27 oktyabr kuni soat taxminan 18:00 lar chamasi Namangan shahrida yashovchi fuqaro o‘zining "Lasetti"si bilan Surxondaryo viloyati Termiz tumanidagi piyodalar o‘tish yo‘lidan harakatlanayotgan opa-ukani turtib ketadi.
Natijada 2015 yilda tug‘ilgan bola ko‘rsatilgan tibbiy yordamga qaramay shifoxonada vafot etadi.
Haydovchi ushbu holatni ichki ishlar organlari xodimlarga bolakaylarni ko‘rmay qolganligi bilan izohladi. Vaholangki, hodisa sodir bo‘lgan joyda piyodalar o‘tish yo‘lagi borligini ko‘rsatuvchi zarur belgilar o‘rnatilgan bo‘lgan.
Ma’lum qilinishicha, ushbu yo‘l transport hosidasini sodir etgan haydovchiga nisbatan Termiz tumani ichki ishlar bo‘limi huzuridagi tergov guruhi tomonidan jinoyat ishi qo‘zg‘atilgan bo‘lib, hozirda tergovga qadar tekshiruv ishlari olib borilmoqda.