Namanganda xorijga ishga yuborishni va’da qilgan firibgarlar ushlandi

Noqonuniy migrasiyaga qarshi kurashish yo‘nalishida Davlat xavfsizlik xizmati va Ichki ishlar organlari xodimlari hamkorligida tezkor tadbirlar o‘tkazildi.

1️⃣ Namangan shahridagi konsalting firma rahbari 2001 y.t. mahalliy fuqaroning ishonchiga kirgan holda, tanishlari orqali uni Janubiy Koreya davlatiga ishga yuborish evaziga 10 ming AQSh dollari talab qilib, oldindan 1,5 ming AQSh dollari olgan vaqtida ashyoviy dalillar bilan ushlandi.

2️⃣ Namangan shahrida faoliyat olib boruvchi boshqa bir konsalting firma ish yurituvchisi o‘zining tanishlari orqali, To‘raqo‘rg‘on tumanida istiqomat qiluvchi, 1998 y.t. fuqaroni Latviya davlatiga ishga yuborish evaziga 2 ming AQSh dollari olgan vaqtida ushlandi.

Hozirda har ikki holat yuzasidan qonunbuzarlarga nisbatan Jinoyat Kodeksining 168-moddasi bilan jinoyat ishi qo‘zg‘atilib, tergov harakatlari olib borilmoqda.

❗️ Hurmatli fuqarolar ogoh bo‘ling! Xorijga ishga yuborish bilan bog‘liq turli xil shubhali takliflarga aldanib qolmang.

🖥 Bu borada O‘zbekiston Respublikasi Vazirlar Mahkamasi huzuridagi Migrasiya agentligi va chet elga ishga yuborish bo‘yicha tegishli lisenziyaga ega bo‘lgan xususiy bandlik agentliklariga murojaat qilishingiz maqsadga muvofiq.