2021 yil 11 iyul kuni soat 16:46 lar chamasida Namangan viloyati Favqulodda vaziyatlar boshqarmasining Navbatchilik qismining qisqa 1050 raqamiga Uychi tuman O‘nxayat mahalla fuqarolar yig‘ini Shodiyona ko‘chasi 21-uyda yashovchi 1995 yilda tug‘ilgan R.R ismli hamda yana 2 nafar fuqarolar Uychi tuman Qumtepa MFY xududidan oqib o‘tgan “Norin” daryosida cho‘kib ketganligi to‘g‘risida xabar kelib tushgan.
Mazkur xabarga ko‘ra, voqea joyiga viloyat Favqulodda vaziyatlar bo‘limining Qutqaruv otryadining suvda qidiruv-qutqaruv guruhi yordamga kelib, suvda qidiruv-qutqaruv ishlarini amalga oshirgan.
Ma’lumot uchun 2 nafar fuqaro mahalliy aholi tomonidan qutqarib olingan.
Tezkorlik bilan olib borilgan suvda qidiruv-qutqaruv ishlari davomida R.R ismli fuqaroning jasadi daryoning 2,5 metr chuqurligidan topilgan.
