Britaniyalik olimlar Yerning eng yuqori nuqtasi – «Everest» cho‘qqisidan ham kichik plastiklar topishdi.
Bu haqda “newscientist.com” xabar berdi.
Ta’kidlanishicha, cho‘qqidan topilgan mikroplastiklarning aksariyati kiyim va jihozlar tayyorlanadigan moddalar bo‘lib chiqdi.
“Insonning 20 daqiqa atrofni aylanib yurishi, kiyimlarini yuvishi yoki plastik idishdan foydalanishining o‘ziyoq atrofga kichik plastiklarni tarqatadi”, deyiladi xabarda.
Oldinroq plastik bo‘lakchalari Yerning eng past nuqtasi – Tinch okeanidagi Mariana botig‘ida ham aniqlangan edi.
