Muxolifat yetakchisi: «Suriya Eron ambisiyalari poligoni va jahondagi yetakchi yovuzlik manbai edi»

Bir paytlar «Eron ambisiyalari uchun sinov maydoni» bo‘lgan Suriya hozir «tozalanmoqda», dedi Suriya muxolifati yetakchisi Abu Muhammad al-Juloniy Damashqdagi Umaviylar masjididan mamlakat fuqarolariga qilgan murojaatida.

"Bu g‘alaba, birodarlarim, butun islom millatining g‘alabasi bo‘ldi. Bizning yangi g‘alabamiz, birodarlarim, mintaqa tarixida, xavf-xatarlarga to‘la tarixda yangi davrni boshlab berdi. Suriya Eron ambisiyalari uchun sinov maydoni edi, Suriyadan mazhabparastlik tarqaldi, bu yerda korrupsiya avj oldi, dunyoning asosiy yovuzlik manbaiga aylandi.

Ammo bugun Suriya Alloh taoloning rahmati va arab mujohidlarining sa’y-harakatlari bilan tozalanmoqda”, — dedi al-Juloniy.