Bugun 28 iyun, 2022 yil, seshanba

КИР

Muhim qo‘ng‘iroq: Shavkat Mirziyoyev Putin bilan nimalarni muhokama qildi?

Muhim qo‘ng‘iroq: Shavkat Mirziyoyev Putin bilan nimalarni muhokama qildi?

O‘zbekiston Respublikasi Prezidenti Shavkat Mirziyoyev 24 may kuni Rossiya Federasiyasi Prezidenti Vladimir Putin bilan telefon orqali muloqot qildi.

O‘zbekiston-Rossiya strategik sheriklik va ittifoqchilik munosabatlarini yanada rivojlantirish, ikki mamlakat o‘rtasidagi ko‘p qirrali hamkorlikni kengaytirishning dolzarb masalalari ko‘rib chiqildi.

O‘tgan yil noyabr oyida Moskva shahrida o‘tgan oliy darajadagi uchrashuvda erishilgan kelishuvlarni amalga oshirishga alohida e’tibor qaratildi.

Joriy yil boshidan faol muloqotlar va o‘zaro tashriflar sur’ati oshgani mamnuniyat bilan qayd etildi. Mart oyi oxirida birinchi Toshkent xalqaro investisiya forumi hamda aprel oyida O‘zbekiston poytaxtida yangi mintaqaviy formatda tashkil etilgan “Innoprom” xalqaro sanoat ko‘rgazmasi doirasida ikki tomonlama tadbirlar muvaffaqiyatli o‘tkazildi.

Sanoat kooperasiyasi bo‘yicha ustuvor loyihalar davom ettirilmoqda. Joriy yil boshidan buyon tovar ayirboshlash hajmi 40 foizga oshdi.

Gumanitar hamkorlikka doir, shu jumladan ta’lim, sog‘liqni saqlash, madaniyat, turizm va sport sohalarida muhim dasturlar amalga oshirilmoqda.

O‘zbekiston va Rossiya yetakchilari ishbilarmon doiralar o‘rtasidagi kooperasiya aloqalarini chuqurlashtirish va hududlararo aloqalarning katta salohiyatidan samarali foydalanish muhimligini qayd etdilar.

Mintaqaviy kun tartibi va xalqaro siyosat masalalari yuzasidan ham fikr almashildi.

Ikki mamlakat Prezidentlarining telefon orqali muloqoti har doimgidek ochiqlik, ishonch va do‘stonalik ruhida o‘tdi.

Kiritildi: 17:50 24.05.2022. O'qildi: 6541 marta. Fikrlar soni: 11 ta.
telegram channel

Bo'limga tegishli qiziqarli xabarlar

Eng ko'p o'qilgan yangilik

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!