Mo‘g‘uliston hududida boshlangan dasht yong‘ini Xitoy chegarasi tomon tarqalmoqda. Olovning mamlakat hududiga o‘tishiga yo‘l qo‘ymaslik uchun Xitoyning shimoliga 2 mingdan ortiq kishi safarbar etildi, deb xabar beradi Sinxua.
Mahalliy hokimiyat ma’lumotlariga ko‘ra, yong‘in Mo‘g‘uliston hududida boshlangan va Xitoyning Ichki Mo‘g‘uliston avtonom rayoni bilan chegaradosh hudud tomon siljib bormoqda.
Shu munosabat bilan Xitoy tomoni chegaraga yaqin hududlarda yong‘in tarqalishining oldini olish choralarini kuchaytirdi.
“11 oktyabrda soat 21:00 holatiga ko‘ra, yong‘in Xitoy hududiga o‘tmagan. Ayni paytda olovning tarqalishiga yo‘l qo‘ymaslik bo‘yicha ishlar davom etmoqda”, - deb xabar berdi mahalliy hokimiyat vakillari.
Yong‘inni jilovlash choralariga 2 mingdan ortiq kishi jalb etilgan.
Hozircha yong‘in qamrab olgan hudud maydoni va uning kelib chiqish sababi haqida aniq ma’lumot e’lon qilinmagan.
Nega aynan Erkinjon Turdimov? Bu qaror ortida qanday omillar turibdi?
MrBeast: “O‘zbekistonda muxlislarim shu qadar ko‘pki, balki ketishimizga to‘g‘ri kelar”
Germaniya Rossiya bilan dizel yoqilg‘isi yetkazib berish bo‘yicha kelishuv tuzishni taklif qildi
