Rossiyaning Osiyo qismi muftiysi Nafigulla Ashirov «Gazeta.ru» muxbiri bilan suhbatda Fransiya Prezidentining xatti-harakatlari insoniyatni halokatga olib kelishi mumkinligini aytdi. Muftiy Makronning siyosatini qoralab, uni katta xato deb atadi.
"Bugun Makron va uning atrofidagilar olg‘a surayotgan shiorlar ostida Fransiya musulmonlari o‘zlarini xo‘rlanganday his qilmoqda. Bu juda katta xato, agar Fransiya musulmonlariga qarshi maqsadli kampaniya bo‘lmasa... Men hech qachon mamlakatimizda, prezident u yoqda tursin, biror bir mer yo gubernator aholining bir qismi haqida salbiy va boshqa bir qismi haqida ijobiy gapirganini eshitmaganman. Makron mana shunday qilmoqda. Uning siyosati diniy qarama-qarshiliklar va yangi qurbonlarga olib kelishi mumkin", - deydi u.
Ashirov Fransiya Prezidentini "musulmonlar dushmani"deb atagan Checheniston muftiysini ham qo‘llab-quvvatladi.
"Menimcha, bu oddiy haqiqat va ogohlantirish. Makronning harakatlari yanada fojiali oqibatlarga olib kelishi mumkin."
Rossiya yana bir harbiy mojaroda ishtirok etishi mumkin
Makron: "Agar Rossiya g‘alaba qozonsa..."
Rossiya Armaniston uchun qaror chiqardi
