Ukraina mudofaa kuchlari o‘tgan hafta davomida Qrimdagi Rossiya kosmik kuzatuv va aloqa markaziga zarba berdi. Bu haqda 28 iyun kuni Telegramda Ukraina Mudofaa vazirligi matbuot markazi xabar berdi.
Qayd etilishicha, Qrimdagi markaz rossiyaliklar uchun sun’iy yo‘ldosh aloqasi va navigasiya tizimidagi muhim harbiy qism hisoblanadi.
Forbes 23 iyun kuni Ukrainaning Qrimga havo hujumi Yevpatoriya yaqinidagi Vitino Kosmik aloqa markazini yo‘q qilishga qaratilganini yozgan.
OAV ma’lumotlariga ko‘ra, Ukraina mudofaa kuchlari markazga kamida to‘rtta yuqori aniqlikdagi Amerika raketalarini otgan va yong‘inlar tun bo‘yi davom etgan. Ammo bu markaz Ukraina Qurolli kuchlari uchun qiyin nishon hisoblanadi. Unga jiddiy zarar etkazish uchun yana ko‘plab zarbalar berish kerak, deya qo‘shimcha qildi Forbes.
Shu bilan birga, ob’ektning ishlamay qolishi Rossiya Federasiyasini o‘z sun’iy yo‘ldoshlari bilan aloqa imkoniyatidan mahrum qilmaydi, balki uni cheklaydi, deyiladi nashr. Forbes ta’kidlashicha, ruslarning Ukrainadagi front chizig‘iga unchalik yaqin bo‘lmagan boshqa kosmik bazalari ham bor.
Turkiya uchinchi jahon urushiga tayyor
Xitoy harbiy-havo kuchlari samolyoti Moskvaga shubhali qo‘ndi
AQSh sanksiyalari ostidagi Rossiya Ichki ishlar vaziri Nyu-Yorkda
