Misrda sodir bo‘lgan yo‘l-transport hodisasida halok bo‘lganlar soni 22 kishiga yetdi

Misrning janubiy Sinay yarim orolida sodir bo‘lgan yo‘l-transport hodisasida kamida 22 kishi halok bo‘ldi va 29 kishi jarohat oldi.

Bu haqda Sky News telekanali mahalliy hokimiyatga tayanib xabar bermoqda.

Avvalgi xabarlarda 16 kishi halok bo‘lgani aytilgan edi.

Dahab va Nuveiba o‘rtasidagi yo‘lda sayyohlarni olib ketayotgan avtobus ag‘darilib ketdi. Yaradorlar Sharm ash-Shayx, Avliyo Ketrin va Al-Fairuzdagi kasalxonalarga yotqizilgan.

Iordaniyaning Al-Mamlaka telekanalining xabar berishicha, avtobusdagi yo‘lovchilar orasida Iordaniya fuqarolari ham bo‘lgan, ulardan 10 nafari halok bo‘lgan. Qirollik Tashqi ishlar vazirligi fuqarolarining o‘limini tasdiqladi, ammo aniq sonni aytmadi.

Baxtsiz hodisa sababi haqida hech qanday ma’lumot berilmagan.