Hamdo‘stlik yetakchilari tashkilotning yangi bosh kotibi etib Gananing amaldagi tashqi ishlar vaziri Shirli Ayorkor Botchveyni tanladi.
Bu haqda tashkilotning "X" ijtimoiy tarmog‘idagi akkauntida e’lon qilingan xabarda aytilgan.
"Bugun Hamdo‘stlik hukumatlari rahbarlari Hamdo‘stlikning yangi Bosh kotibi etib hozirda Gana tashqi ishlar va mintaqaviy integrasiya vaziri bo‘lgan hurmatli Shirli Ayorkor Botchveyni sayladilar", — deyiladi xabarda.
Millatlar Hamdo‘stligi 53 mustaqil davlatdan iborat ittifoq bo‘lib, unga Buyuk Britaniya va uning deyarli barcha sobiq dominionlari, mustamlakalari va protektoratlari, shuningdek, Mozambik va Ruanda kiradi. Hamdo‘stlik mamlakatlari aholisining umumiy soni ikki milliard kishidan oshadi. Hamdo‘stlik rahbari Britaniya monarxi hisoblanadi.
