Mehnat migrasiyasida vafot etgan shaxsning jasadini O‘zbekistonga olib kelish xarajatlari Migrasiya jamg‘armasi tomonidan qoplanadi. Bu haqda “Dafn etish va dafn ishi to‘g‘risida”gi qonunga qo‘shimcha norma 7 fevral kuni kiritildi.
Unga ko‘ra, mehnat migrasiyasida bo‘lgan davrda vafot etgan O‘zbekiston fuqarolarining jasadini olib kelishni tashkil etish bilan bog‘liq xarajatlar endi Migrasiya jamg‘armasi mablag‘lari hisobidan qoplanadi. Mablag‘lar Vazirlar Mahkamasi huzuridagi Migrasiya agentligi orqali qonunchilikda belgilangan tartibda ajratiladi.
