Microsoft korporasiyasining 50 yilligi munosabati bilan o‘tkazilgan urushga qarshi namoyishdan so‘ng ikki xodim ishdan bo‘shatildi. Dasturiy ta’minot muhandisi Ibtixal Abusad kompaniyani Isroil armiyasi bilan sun’iy intellekt sohasida hamkorlik qilish orqali G‘azodagi genosidga aloqadorlikda aybladi.
U o‘z noroziligini Microsoft AI boshlig‘i Mustafo Sulaymonning nutqi davomida omma oldida bildirdi .
Kompaniya ishdan bo‘shatishni "e’tiborni qaratish va tadbirni buzish" urinishi bilan izohladi. Ikkinchi namoyishchi Vaniya Agraval o‘z iste’fosini topshirganidan so‘ng muddatidan oldin ishdan bo‘shatildi.
No Azure for Apartheid kampaniyasiga ko‘ra, Microsoft o‘zining Azure platformasi orqali Isroilga bulutli texnologiyani taqdim etadi va AP xabariga ko‘ra, texnologiya G‘azo va Livandagi havo hujumlari paytida nishonlarni aniqlash uchun ishlatilgan.
Kompaniya fikr bildirish uchun ochiqligini, biroq ish jarayonlarining buzilishiga toqat qilmasligini aytadi. Microsoft'dagi norozilik IT- sektoridagi urushga qarshi norozilik to‘lqinining bir qismi edi: shunga o‘xshash kampaniya avval Google'da Project Nimbus'ga qarshi norozilik aksiyasi doirasida bo‘lib o‘tgan edi.
Rossiya S-300/400 maketlari bilan dunyo ko‘zini aldamoqda!
Ukraina O‘zbekistonga sanksiya joriy qildi. Uchta kompaniya va bir fuqaro “qora ro‘yxat”da
Rossiya va Xitoy AQShning “Oltin gumbaz” loyihasiga qarshi chiqdi
