“MGM Holdings” kinokompaniyasi “Metro-Goldwyn-Mayer” kinostudiyasini sotuvga qo‘yishini ma’lum qildi.
Bu haqda “Wall Street Journal” xabar bermoqda.
Gazetaning aniqlik kiritishicha, kompaniya “Morgan Stanley” va «LionTree LLC» investisiya banklari bilan hamkorlikda sotish jarayonini rasmiylashtira boshlagan.
Shu bilan birga, mutaxassislar kinostudiya xarajatlarini 5,5 milliard dollarga baholashmoqda.
Ta’kidlanishicha, “MGM Holdings” azaldan “Metro-Goldwyn-Mayer”ni sotmoqchi bo‘lgan, ammo korporasiya xaridorlar bilan narx bo‘yicha kelisha olmagan. Masalan, 2018 yilda kompaniya vakillari «Apple» bilan muzokaralar olib borishgandi.
