"Men Yermakni korrupsiya bo‘yicha tergov tufayli ishdan bo‘shatmadim"

Ukraina prezidenti The Atlantic nashriga bergan intervyusida xalq manfaatlariga to‘g‘ri kelmaydigan bitimga rozi bo‘lishdan ko‘ra, umuman kelishuv tuzmaslikni afzal ko‘rishini ma’lum qildi.

Vladimir Zelenskiyning intervyusidan asosiy iqtiboslar:

◾️ Tramp uchun Rossiya va Ukraina o‘rtasidagi urushni to‘xtatishdan ko‘ra kattaroq g‘alaba yo‘q. Bu Tramp qoldiradigan siyosiy merosdagi eng muhim vazifa;

◾️ Donald Tramp uchun eng foydali vaziyat — kelishuvni AQShdagi saylovlardan oldin amalga oshirish. To‘g‘ri, u kamroq o‘lim bo‘lishini xohlaydi. Lekin jiddiy aytganda, bu shunchaki uning siyosiy g‘alabasi bo‘ladi;

◾️ Tinchlik yo‘lidagi eng birinchi qadam — sulh o‘rnatilgach, AQSh va Yevropa tomonidan Ukraina himoya qilinishini kafolatlashdir;

◾️ Biz hech narsadan qo‘rqmaymiz. Saylovga ham, referendumga ham tayyormiz;

◾️ Men hokimiyatga yopishib olganim yo‘q, saylovlarga tayyorman;

◾️ Urush davomida saylov o‘tkazish fikri ruslardan chiqdi, chunki ular mendan qutulishni xohlashadi;

◾️ Men Yermakni korrupsiya bo‘yicha tergov tufayli ishdan bo‘shatmadim. Buning o‘ziga yarasha sabablari bor edi.