AQSh prezidenti Donald Tramp Davosdagi Jahon iqtisodiy forumida qilgan nutqi bo‘yicha ijobiy fikrlar olganini aytdi. O‘sha nutqida u Grenlandiya ustidan nazorat o‘rnatish zarurligini ta’kidlagan edi.
"Yaxshi nutq bo‘ldi. Biz juda yaxshi fikrlar oldik. Bunga ishonolmayapman. Biz ijobiy fikrlar oldik, holbuki odatda bunday nutqdan keyin “u dahshatli diktator” deyishardi. Men diktatorman. Ammo ba’zan diktator kerak.
Lekin bu safar ular bunday deyishmadi. Endi bu sog‘lom mantiq deb qabul qilinmoqda. Hammasi sog‘lom mantiqqa asoslangan", — dedi AQSh prezidenti jurnalistlar bilan muloqotda.
Bundan bir yil oldin, Tramp prezidentlik lavozimidagi ilk kunida, 2025 yil 21 yanvarda, o‘zini diktator deb hisoblamasligini aytgan edi.
"Meni shunday atashlarini hatto tasavvur ham qila olmayman", — degandi Tramp.
Shundan so‘ng Tramp Zelenskiyni "diktator" deb atagan, biroq Putinga nisbatan bu atamani qo‘llashdan bosh tortgan edi. "Men bu so‘zni shunchaki ishlatmayman", — degandi u.
Hatto YTHdan keyin ham Adam Qodirov medal olib kelmoqda
Ukraina Rossiyaning "Oreshnik" raketalari uchiriladigan raketa maydonchasiga zarba berdi
Xitoy AQShni Grenlandiya masalasi bo‘yicha ogohlantirdi
