АҚШ президенти Доналд Трамп Давосдаги Жаҳон иқтисодий форумида қилган нутқи бўйича ижобий фикрлар олганини айтди. Ўша нутқида у Гренландия устидан назорат ўрнатиш зарурлигини таъкидлаган эди.
"Яхши нутқ бўлди. Биз жуда яхши фикрлар олдик. Бунга ишонолмаяпман. Биз ижобий фикрлар олдик, ҳолбуки одатда бундай нутқдан кейин “у даҳшатли диктатор” дейишарди. Мен диктаторман. Аммо баъзан диктатор керак.
Лекин бу сафар улар бундай дейишмади. Энди бу соғлом мантиқ деб қабул қилинмоқда. Ҳаммаси соғлом мантиққа асосланган", — деди АҚШ президенти журналистлар билан мулоқотда.
Бундан бир йил олдин, Трамп президентлик лавозимидаги илк кунида, 2025 йил 21 январда, ўзини диктатор деб ҳисобламаслигини айтган эди.
"Мени шундай аташларини ҳатто тасаввур ҳам қила олмайман", — деганди Трамп.
Шундан сўнг Трамп Зеленскийни "диктатор" деб атаган, бироқ Путинга нисбатан бу атамани қўллашдан бош тортган эди. "Мен бу сўзни шунчаки ишлатмайман", — деганди у.
Ҳатто ЙТҲдан кейин ҳам Адам Қодиров медал олиб келмоқда
Украина Россиянинг "Орешник" ракеталари учириладиган ракета майдончасига зарба берди
Хитой АҚШни Гренландия масаласи бўйича огоҳлантирди
