Meksika ko‘rfazi tufayli Google’ni sudga berdi

Meksika prezidenti Klaudiya Sheynbaumning ma’lum qilishicha, mamlakat rasmiylari Google korporasiyasiga qarshi Meksika ko‘rfazining Google Maps kartografik xizmatida "Amerika" deb o‘zgartirilgani sababli sudga da’vo arizasi kiritgan.

Sheynbaum har kungi matbuot anjumanida da’vo ko‘rib chiqilayotganini aytdi. Uning ta’kidlashicha, Meksika AQSh hukumatining nomini o‘zgartirish to‘g‘risidagi farmoniga rioya qilinishiga erishmoqda, unda gap faqat ko‘rfazning AQSh kontinental shelfiga tegishli qismi haqida ketmoqda.

Meksika tomonining fikricha, AQSh butun ko‘rfaz nomini o‘zgartirish vakolatiga ega emas.

"Ular hududning o‘z qismini xohlagancha nomlashlari mumkin. Ammo Meksikaga to‘g‘ri keladigan qismning nomini o‘zgartirib bo‘lmaydi," - deya ta’kidladi Sheynbaum.