Ilon Maskning aytishicha, u AQSh prezidenti Donald Tramp ma’muriyati bilan hukumat samaradorligi departamenti (DOGE) faoliyatini nazorat qilgan davrda kelishmovchiliklar bo‘lgan.
Bu haqda u CBS News telekanaliga bergan intervyusida aytib o‘tdi.
"Menga intervyuda bu haqda gapirish qiyin, chunki mening so‘zlarim ko‘pincha tortishuvlarga sabab bo‘ladi. Men biroz burchak ostida qoldim: men ma’muriyatni tanqid qilishni xohlamayman, lekin men uning har bir qabul qilgan qarori uchun javobgarlikni olishga tayyor emasman. Demak, bu juda og‘ir vaziyat", - dedi Mask.
U umuman Tramp jamoasi siyosatini qo‘llab-quvvatlashini, biroq “ba’zida kelishmovchiliklar kelib chiqishini” ta’kidladi. Misol tariqasida Mask prezidentning hukumat xarajatlarini qisqartirish haqidagi qonun loyihasini keltirdi, Tramp buni “katta, chiroyli qonun loyihasi” deb ataydi.
"Menimcha, qonun loyihasi katta yoki chiroyli bo‘lishi mumkin, lekin bir vaqtning o‘zida ikkalasi ham bo‘lishi mumkinligiga shubha qilaman. Bu mening shaxsiy fikrim", - deya ta’kidladi tadbirkor.
Shu hafta boshida Mask X ijtimoiy tarmog‘ida uning maxsus davlat xodimi sifatidagi muddati yakunlanayotganini yozgan, biroq kelajakda DOGE roli yanada kuchayishiga ishonch bildirgan.
Dahshat! Vafot etgan 88 yoshli ayol tobutda hushiga keldi
Zelenskiy Klichkoning so‘zlaridan so‘ng jiddiy ogohlantirish yubordi
BAA bosh murabbiyi muxlislarga murojaat bilan chiqdi
