Mask Trampga impichment talab qildi va yangi siyosiy partiya tuzmoqchi

Tesla rahbari Ilon Mask prezident Donald Trampni noshukurlikda ayblab, unga nisbatan impichment chaqiriqlarini ommaviy ravishda qo‘llab-quvvatladi.

Ilon Mask va Donald Tramp o‘rtasidagi munosabatlar jiddiy murakkablashdi. Mask vise-prezident Jey Di Vensning Trampdan hokimiyatni qabul qilishi haqidagi taklifini ma’qullab, impichment jarayonini qo‘llab-quvvatladi. U Trampni nafaqat siyosiy muammolarda, balki pedofil Epshteyn ishi bilan bog‘liq gumonlarda ham tanqid qildi.

Bunga javoban Tramp Maskni o‘z foydasini ko‘zlaganlikda ayblab, uning kompaniyalari bilan Amerika hukumatining shartnomalarini bekor qilish bilan tahdid qildi. Bu tahdidlar fonda Tesla aksiyalari 14 foizga tushib ketdi va natijada Maskning shaxsiy boyligi taxminan 150 mlrd dollarga kamaydi.

Mask esa o‘z navbatida vaziyatga javoban mamlakat siyosiy manzarasini o‘zgartirishga qodir bo‘lgan yangi mo‘’tadil siyosiy partiya tuzish g‘oyasini ilgari surdi. Uning ta’kidlashicha, bu partiya qat’iy qarashlar o‘rtasidagi qarama-qarshilikni yumshatish va saylovchilarning haqiqiy manfaatlarini ifoda etishga xizmat qiladi.

Hozircha Maskning taklifi amaliy qadamlarga aylangani haqida ma’lumot yo‘q, biroq uning siyosiy sahnadagi ishtiroki yangi bosqichga ko‘tarilgani kuzatilmoqda.