London markazida bo‘lib o‘tgan aksiyalardan biri ultrao‘ngchi faol, Tommi Robinson nomi bilan ham tanilgan Stiven Yaksli-Lennon tomonidan tashkil etildi. Ommaviy axborot vositalari ma’lumotlariga ko‘ra, unga o‘n minglab odamlar yig‘ilgan. Marsh ishtirokchilari boshpana izlovchilar soni va ommaviy migrasiyadan norozilik bildirishdi.
Buyuk Britaniya Bosh vaziri Kir Starmer marsh o‘tkazilishidan oldin ham uning tashkilotchilarini ataylab nafrat va parchalanishni tarqatishda ayblagan edi. Tommi Robinson — britan o‘ngchilari orasida taniqli faol bo‘lib, uning 2025 yil sentyabr oyida o‘tkazilgan avvalgi migrantlarga qarshi aksiyasida 150 mingga yaqin kishi qatnashgan edi.
Ushbu marsh bilan bir vaqtda Londonda Nakba ("falokat") xotirasiga bag‘ishlangan yillik namoyish ham bo‘lib o‘tdi. Nakba — 1948 yilda Isroil davlati tashkil etilayotgan davrda 700 000 ga yaqin falastinlikning hozirgi Isroil hududidan ko‘chirilishidir.
London polisiyasi ushbu ikki aksiya ishtirokchilari o‘rtasida to‘qnashuvlarning oldini olish maqsadida 4000 nafar xodimni jalb qildi. Kunning yarmiga kelib turli huquqbuzarliklar uchun 31 kishi qo‘lga olindi, biroq umuman olganda har ikki namoyish ham "jiddiy ko‘ngilsizliklarsiz" o‘tdi, deb qayd etmoqda poytaxt polisiyasi.
Nurmat Otabekov xantavirus bo‘yicha axborot bilan chiqdi
Yana bir davlat Eronga maxfiy ravishda hujum uyushtirgan
Harbiy qo‘mondonlik Putinni Rossiya armiyasi kuzgacha butun Donbassni egallashiga ishontirdi
