Livanning xabar berishicha, Isroil hujumlarida 24 soat ichida 70 kishi halok bo‘lgan

So‘nggi 24 soat ichida Isroilning Livanga bergan zarbalari natijasida 70 kishi halok bo‘ldi, yana 400 kishi yaralandi, deb xabar bermoqda Al Mayadeen telekanali Livan sog‘liqni saqlash vazirligiga tayanib.

Unga ko‘ra, Livan tog‘i provinsiyasida kamida 22 kishi halok bo‘lgan, yana 48 kishi jarohatlangan. Bu hududda uchta aholi punkti o‘qqa tutildi. Livan shimoli-sharqidagi Yunin munisipalitetida yana 11 kishi, jumladan, bolalar va ayollar halok bo‘ldi.