Litvada o‘tgan hafta o‘quv mashg‘ulotlari paytida yo‘qolgan to‘rt nafar amerikalik harbiydan uch nafarining jasadi topildi

Bu haqda AQSh Yevropa va Afrika qo‘mondonligi rasmiy saytida xabar berildi.

Halok bo‘lgan askarlarning shaxsi oshkor qilinmagan, shuningdek, jasadlar qayerdan topilgani va ularning o‘limiga nima sabab bo‘lgani haqida ma’lumot berilmagan. To‘rtinchi harbiyni qidirish ishlari davom etmoqda.

Bundan bir necha soat avval Pabrade harbiy poligonidagi torf botqog‘idan M88 Hercules bronemashinasi chiqarib olingan edi. Mazkur texnika 25 mart kuni harbiylar bilan birga yo‘qolgan edi.