Le Pen hukmi yuzasidan Inson huquqlari bo‘yicha Yevropa sudiga murojaat qilmoqchi

Fransiyada qamoq jazosiga hukm qilingan va navbatdagi prezidentlik saylovlarida prezidentlikka nomzodini qo‘yish imkoniyatidan mahrum bo‘lgan "Milliy birlashish" partiyasining parlamentdagi fraksiyasi rahbari Marin Le Pen qaror yuzasidan Inson huquqlari bo‘yicha Yevropa sudi va Fransiya Konstitusiyaviy kengashiga murojaat qilmoqchi.

Bu haqda siyosatchi Le Parisien gazetasiga bergan intervyusida ma’lum qildi.

"Men Inson huquqlari bo‘yicha Yevropa sudiga va Fransiya Konstitusiyaviy kengashiga murojaat qilaman. Men barcha mumkin bo‘lgan huquqiy vositalardan foydalanaman. O‘z fikrimdan qaytmayman", - dedi u.