Kursk viloyatida o‘z uyini tashlab chiqqanlarga 10 ming rubl (115 dollar) miqdorida pul to‘lanadi

Rossiya prezidenti Vladimir Putin topshirig‘iga ko‘ra, Kursk oblastida o‘z uyini tashlab chiqqanlarga 10 ming rubl (115 dollar) miqdorida pul to‘lanadi.

6 avgustga o‘tar kechasi ukrain bo‘linmalari Rossiyaning Kursk oblastiga kirib kelgan va chegara yaqinidagi pozisiyalarda mustahkam joylashib olgan. Hududdagi aholi yashash manzillari to‘xtovsiz o‘qqa tutilmoqda, minglab kishilar evakuasiya qilingan.

Avvalroq, Ukraina qo‘shinlari chegaradosh bo‘lgan Rossiyaning Kursk viloyatidagi Sudja shaharchasini egallab olgani va Kursk viloyatida favqulodda holat e’lon qilingani haqida xabar bergan edik.