“Ko‘ngillilar koalisiyasi” tashqi ishlar vazirlari Ukrainadagi otashkesimni qanday nazorat qilish bo‘yicha takliflar tayyorlaydi — Fransiya prezidenti

Emmanuyel Makron Parijdagi aammit ishtirokchilar Ukraina va uning armiyasini qo‘llab-quvvatlashda davom etishga kelishib olganini aytdi. Shuningdek, u Rossiyaga qarshi sanksiyalarni bekor qilish vaqti kelmaganini ta’kidladi.

Makronning so‘zlariga ko‘ra, sammitda Rossiyaga va uning “soya floti”ga bosimni davom ettirish haqida qaror qabul qilingan. Shuningdek, tashqi ishlar vazirlariga uch hafta ichida Ukrainadagi otashkesimni qanday nazorat qilish mumkinligi bo‘yicha takliflar ishlab chiqish topshirildi.

Bundan tashqari, Makron fransuz-britan harbiy delegatyusiyasi Ukrainaga borib, mamlakat Qurolli kuchlari bilan kelajak uchun rejalar tuzishi haqida ma’lum qildi.

Tinchlikparvar kuchlar masalasiga to‘xtalar ekan, Makron ular hali shakllanish bosqichida ekanligini bildirdi. U yana bir bor tinchlikparvarlar to‘qnashuv chizig‘ida joylashtirilmasligini, balki otashkesimdan keyin "tiyib turuvchi kuch" sifatida xizmat qilishini ta’kidladi.