Kuba hududiy suvlariga kirgan Amerika kemasi AQSh Harbiy-dengiz kuchlariga tegishli emas

Bu haqda The New York Times nashri amerikalik amaldorga tayanib xabar bermoqda.

Nashr ma’lumotlariga ko‘ra, bu fuqarolik kemasi bo‘lgan va Kubaga qarindoshlarini olib chiqish maqsadida yo‘l olgan.

Florida shtati bosh prokurori Jeyms Utmayer voqea yuzasidan tergov boshlashni buyurganini ma’lum qildi.

"Kuba hukumatiga ishonib bo‘lmaydi va biz bu kommunistlarni javobgarlikka tortish uchun qo‘limizdan kelgan barcha ishni qilamiz", — dedi u.

AQSh davlat kotibi Marko Rubio Kuba yaqinidagi kater bilan bog‘liq hodisaga Donald Tramp ma’muriyati aloqador emasligini ma’lum qildi.