Kreml G‘arbning urushni to‘xtatishga urinishlarini masxara qilmoqda — Vladimir Zelenskiy

"Hozirda Moskva sheriklarimizning tinchlik dasturini ilgari surishga urinishlarini ochiqchasiga masxara qilmoqda, doimiy ravishda yangi dron hujumlari, doimiy shafqatsiz zarbalar uyushtirmoqda. Bunga faqat bosim orqali chek qo‘yish kerak va Rossiyani tinchlikka majbur qilish shart", — deya ta’kidladi Ukraina prezidenti kechki murojaatida.

Zelenskiy Yevropa bu urushdan olingan ma’naviy xulosalarni unutmasligini aytdi va Rossiyani jazosiz qoldirmaslikka chaqirdi.

"Rossiyaning Buchada, Mariupolda va boshqa shahar va qishloqlarimizda qilgan ishlarini qabul qilishning imkoni yo‘q. Biz Rossiyaning urush uchun javobgarligi aniq bo‘lishini ta’minlash uchun ishlashda davom etamiz", — deya qo‘shimcha qildi Ukraina yetakchisi.