Niderlandiyadagi gulchilik kompaniyalari koronavirus pandemiyasi sharoitida gulga bo‘lgan talab pasayganligi sababli 400 million tup gulni yo‘q qilishga majbur bo‘ldi.
Yo‘q qilingan gullar orasida 140 millionlik golland lolalari ham bor.
Katta zarar ko‘rayotganlar faqat gul yetishtiruvchilar va gul do‘konlari egalarigina emas. Mamlakat shuningdek, yilning bu davrida Gollandiyaning eng ommabop diqqatga sazovor maskani – Lissedagi lolazorlarni ko‘rish uchun keladigan turistlardan mahrum bo‘ldi.
Niderlandiyadagi "Kyokenxof" qirollik gullar bog‘i bu yil eshiklarini ochmadi, bu 25 million dollar zarar degani.
Oxirgi ma’lumotlarga ko‘ra, Niderlandiyada koronavirusga chalinish bilan bog‘liq holatlar 25,5 mingdan oshgan, 2737 kishi vafot etgan.
