Kolumbiya: Operasiyadan keyin 600 kishi 45 harbiy xizmatchini hibsga oldi

Kolumbiya janubiy-sharqiy qismida 600 ga yaqin kishi operasiyadan qaytgan 45 nafar askarni hibsga oldi.

Milliy OAV ma’lumotlariga ko‘ra, hodisa Los-Tigres hududida, Kavka departamentining El Tambo munisipaliteti yaqinida sodir bo‘lgan.

Armiya 45 nafar askar bir guruh mahalliy aholi tomonidan to‘xtatib qolinganini tasdiqladi va tergov boshlanganini e’lon qildi.

Ma’lumotlarga ko‘ra, hodisa uchun javobgarlik mintaqada faoliyat yuritayotgan “Karlos Patinyo” qurolli guruhi ta’siri ostidagi tinch aholi zimmasiga yuklangan.

Xavfsizlik kuchlari uzoq vaqtdan beri hududda giyohvandlikka qarshi kurash olib borib kelmoqda va o‘tmishda ham shunga o‘xshash voqealarga duch kelgan.

Harbiylarni ozod qilish jarayoniga Ombudsman instituti va fuqarolik jamiyati tashkilotlari aralashishi kutilmoqda.