Kolumbiya G‘azo sektori blokadasida joylashgan Nosir va Al-Shifa kasalxonalari hududidagi ommaviy qabrlar topilganini har tomonlama va xolis tergov qilishga chaqirdi.
Kolumbiya Tashqi ishlar vazirligi Bogota G‘azoda bir nechta ommaviy qabrlar topilganidan xavotirda ekanligini bildirdi, chunki bu urush jinoyati bo‘lishi mumkin.
«Biz faktlarga oydinlik kiritish uchun ommaviy qabrlar topilganini to‘liq va xolis tergov qilishga chaqiramiz. Kolumbiya doimiy o‘t ochishni to‘xtatishni, mahbuslarni zudlik bilan ozod qilishni va tinch aholiga yordam yetkazilishini ta’minlash uchun zarur shoshilinch choralar ko‘rishni talab qilmoqda», — deyiladi departament bayonotida.
Isroil armiyasi Nosir kasalxonasini bir necha hafta qamalda ushlab turdi. 15 fevral kuni shifoxonada keng ko‘lamli reyd o‘tkazildi.
24 mart kuni harbiylar yana kasalxonani qamal qildi, keyinroq yana bir qonli reyd o‘tkazib, ko‘plab tibbiyot xodimlari va ko‘chirilgan falastinliklarni hibsga oldi. Isroilning jinoiy harakatlari natijasida shifoxona o‘z faoliyatini to‘xtatdi.
O‘g‘ri bojxonachilar 26 tonna oltin bilan qo‘lga tushdi
O‘zbekiston Eron Prezidenti bo‘lgan vertolyotning baxtsiz hodisaga uchrashiga munosabat bildirdi
Tojikiston maktab ta’limiga to‘sqinlik qilganlik uchun jinoiy javobgarlikni kuchaytirdi
