Kimlarga avtomobil benzini sotib olish xarajatlarining bir qismi uchun oylik pul kompensasiyasi to‘lanadi?
Quyidagi toifadagi shaxslarga avtomobil benzini sotib olish xarajatlarining bir qismi uchun oylik pul kompensasiyasi to‘lanadi:
⏺urush qatnashchilari va ularga tenglashtirilgan shaxslar;
⏺urush faxriylari va ularga tenglashtirilgan shaxslar;
⏺ mehnatda mayib bo‘lish va kasb kasalligi tufayli I va II guruh nogironlar;
⏺ I va II guruh bolalikdan nogironlar.
❗️ Ushbu kompensasiyani olish uchun yuqorida keltirilgan toifadagi shaxslar yengil avtomobil, motoaravacha yoki motosiklga ega bo‘lishi hamda undan foydalanayotgan bo‘lishi kerak.
⚡️ Eslatib o‘tamiz, 2023 yil 3 iyulda ushbu turdagi kompensasiyaning yangi miqdori belgilangan.
Kompensasiya olish huquqiga ega bo‘lgan shaxslar yashash joyi bo‘yicha pensiya va nafaqalar tayinlaydigan organlarga murojaat qilishlari mumkin.
