Kim Chen In o‘z buvisining uyini buzib tashladi

Shimoliy Koreya yetakchisi Kim Chen In buvisining uyini buzib tashladi. Bu haqda Daily Mail xabar bermoqda.

Gap Kim Chen Inning bobosi Kim Ir Senning ikkinchi rafiqasi Kim Song E haqida ketmoqda. Ko‘p yillar oldin uning o‘gay o‘g‘li Kim Chen Ir uni o‘z o‘g‘lini hokimiyatga keltirmoqchi bo‘lganlikda ayblab, o‘rmon va sun’iy ko‘l bilan o‘ralgan tepalikda joylashgan, poytaxt Pxenyanga "unchalik uzoq emas, lekin yaqin ham emas" Hapjang saroyiga uy qamog‘iga hukm qilgan.

Uy birinchi qavatining maydoni 1,4 ming kvadrat metrni tashkil etdi, bu Kim Chen Inning uyidan uch baravar kam. Kim Son E 2014 yilda vafot etguniga qadar u yerda yashagan. Sun’iy yo‘ldoshdan olingan suratlar asosida KXDRning batafsil xaritasini tuzgan tadqiqotchi Jeykob Bogl qo‘riqchilar va boshqa xodimlar uchun qasr yoki uning yonidagi binodan hech narsa qolmaganini qayd etdi. Shu bilan birga, bu hudud atrofidagi panjara kengaygan.

Boglning ta’kidlashicha, uy nima uchun buzib tashlanganligi haqidagi savolga aniq javob yo‘q. Uning so‘zlariga ko‘ra, Kim Chen In repressiv amaldorlarga tegishli bo‘lgan mulklarni, shuningdek, o‘limidan so‘ng o‘z bobosi Kim Ir Senning villasini bir necha bor buzib tashlagan. Tadqiqotchi KXDRning amaldagi rahbarida buvisining qarorgohini saqlash uchun mablag‘ yo‘qligini taxmin qildi. Uning qo‘shimcha qilishicha, ehtimol Kim Chen In o‘zining hashamatli mulkini yaxshilash va rekonstruksiya qilishga pul yo‘naltirish uchun keraksiz va eskirgan uylardan xalos bo‘lishga qaror qilgandir.