Kim Chen In AQSh bilan termoyadro urushi xavfi borligini aytdi

Koreya yarim orolidagi vaziyat «termoyadro urushi»ni keltirib chiqarishi mumkin. Bu haqida Kim Chen In bayonotiga tayanib, TASS yozmoqda.

KXDR yetakchisi bayonotiga ko‘ra, ular Amerika tomoni bilan muzokaralardan so‘ng AQShning «dushmanona siyosati»ga ishonch hosil qilgan.

Mojaro tomonlari hech qachon… har qanday daqiqada vayron qiluvchi termoyadro urushiga aylanib ketishi mumkin bo‘lgan bunday xavfli va keskin qarama-qarshilikka duch kelmagan, deydi Shimoliy Koreya rahbari Pxenyandagi qurol-aslaha ko‘rgazmasida.

U Vashington o‘zining strategik vositalari va ittifoqchi kuchlarini joylashtirish, KXDRni jilovlash maqsadida yadroviy quroldan jamoaviy foydalanish huquqiga ega harbiy bloklar tizimini kengaytirish orqali vaziyatni kuchaytirayotganini aytdi.