Kiyevning ayrim ittifoqchilari Ukrainadagi mojaro qanday yakunlanishi mumkinligini muhokama qila boshladi

Bu haqda Bloomberg xabar berdi.

Agentlik manbalarining so‘zlariga ko‘ra, Ukrainaning ittifoqchilari mojaroni muzokaralar yo‘li bilan tugatish qanday bo‘lishi mumkinligi va buning mumkin bo‘lgan yo‘llari haqidagi stsenariylarni jiddiy muhokama qila boshlagan. Shu bilan birga, muzokaralar bo‘yicha har qanday qarorni faqat Kiyev qabul qilishi va hech kim Ukraina prezidenti Vladimir Zelenskiyga bosim o‘tkazmayotgani ta’kidlanmoqda.

"Mojaro davom etayotgani va jang maydonida sezilarli o‘zgarishlar bo‘lmagani sababli, ba’zi G‘arb rasmiylari boshi berk ko‘chadan chiqish uchun diplomatiyadan foydalanish imkoniyatini ko‘rib chiqa boshlagan", deb yozadi Bloomberg.

Ayni paytda bu sa’y-harakatlar G‘arb davlatlarida Kiyevni muddatidan oldin o‘t ochishni to‘xtatishga majbur qilishi mumkinligidan xavotir uyg‘otmoqda. Biroq agentlik maqolasida qaysi G‘arb davlatlari va Kiyevning qaysi ittifoqchilari muhokama qilinayotgani ko‘rsatilmagan.