Kiyev viloyatidagi issiqxonada majburiy mehnatga jalb etilgan 19 nafar O‘zbekiston fuqarosi Moldova orqali mamlakatga qaytarildi.
Bu jarayon O‘zbekiston elchixonasi, Ukraina polisiyasi hamda Xalqaro migrasiya tashkiloti (XMT)ning Ukraina va Moldovadagi vakolatxonalari hamkorligida amalga oshirildi.
Ma’lumotlarga ko‘ra, ular Ukrainaga yuqori maosh va’dasi bilan chaqirilgan, ammo kelgandan so‘ng pasportlari olib qo‘yilgan va ishlashga majburlangan.
