Kiyev 2024 yilda G‘arb davlatlaridan 41,7 milliard dollar oldi

Ukraina Moliya vazirligi joriy yilda hamkorlardan 41,7 milliard dollar tashqi moliyalashtirishni jalb qilgani haqida xabar berdi. Tegishli sharh boshqarmaning Telegram kanalida e’lon qilindi.

Jami moliyalashtirishning qariyb 30 foizi grantlar hisobidan kelgan.

Ukraina moliya vaziri Sergey Marchenko ushbu mablag‘lar asosiy ijtimoiy xarajatlarni qoplash, jumladan, pensiyalar, ta’lim va tibbiyot xodimlarining maoshlarini to‘lash, shuningdek, aholini ijtimoiy himoya qilish dasturini ta’minlashga yordam berganini ta’kidladi.

O‘tayotgan yilda Ukrainaga eng yirik moliyaviy yordamni Yevropa ittifoqi, AQSH, Xalqaro valyuta jamg‘armasi, Yaponiya, Jahon banki, Kanada va Buyuk Britaniya ko‘rsatdi. Fevral oyida Sergey Marchenko Ukraina har oy ijtimoiy ehtiyojlar uchun 3 milliard dollargacha yordamga muhtojligini aytgandi.