AQSh prezidenti Donald Trampning maxsus vakili Keyt Kellogg 23 may kuni Rossiya va Ukraina o‘rtasidagi mahbuslar almashinuvini Istanbul muzokaralarining eng ijobiy natijasi deb atadi.
Bu haqda u “X” ijtimoiy tarmog‘ida yozdi, deb xabar beradi “Report”.
“Ukraina va Rossiya o‘rtasida o‘tgan haftada Istanbulda bo‘lib o‘tgan texnik muzokaralarning eng ijobiy natijasi har ikki tomondan rejalashtirilgan 1000 harbiy asirning qaytarilishi bo‘ldi, ularning 400 dan ortig‘i allaqachon qaytarildi”, deb yozadi u.
Kellogg ushbu natijaga erishishda Ukraina mudofaa vaziri Rustem Umerovning muhim hissasini ham qayd etdi.
“Bizga o‘t ochishni to‘xtatish kerak – qotilliklar to‘xtatilishi kerak”, deb qo‘shimcha qildi Kellogg.
