Karim Xon vaqtincha lavozimidan chetlatiladi

Putin va Netanyahuni hibsga olish uchun order bergan Xalqaro jinoiy sud bosh prokurori Karim Xon vaqtincha lavozimidan chetlatiladi.

Bu haqda Reuters nashri xabar bermoqda.

So‘nggi oylar ichida Karim Xon G‘azo sektorida sodir bo‘lgan ehtimoliy harbiy jinoyatlar tufayli Isroil bosh vaziri Binyamin Netanyahuni hibsga olish uchun order bergani bois keskin tanqid ostida qolgan edi.

AQSh prezidenti Donald Tramp joriy yilning fevral oyida Gaagadagi Xalqaro jinoiy sudga qarshi sanksiyalar joriy qilgandi.