Evropa diplomatiyasi rahbari Kaya Kallas Yevropa Ittifoqi Rossiya-Ukraina mojarosini hal qilish doirasida Rossiyaga o‘z talablari ro‘yxatini taqdim etishi kerakligini aytdi.
Kallas Bryusselda jurnalistlar bilan suhbatda shunday dedi.
"Muzokaralar stolida o‘tirgan har bir kishi, jumladan, Rossiya va Qo‘shma Shtatlar ham, yevropaliklarning roziligi kerakligini tushunishi kerak", deb ta’kidladi u.
Urushni tugatish bo‘yicha muzokaralar asosan Ukraina, Amerika va Rossiya rasmiylari ishtirokida, vaqti-vaqti bilan yevropaliklar bilan maslahatlashuvlar o‘tkazilishi qayd etildi. Biroq, Yevropa rasmiylarining so‘zlariga ko‘ra, Yevropa Ittifoqi ishtirokisiz tinchlik shartnomasi tuzish mumkin emas.
Kallas yaqin kunlarda Yevropa Ittifoqiga a’zo davlatlar hukumatlariga ro‘yxat taqdim etishini aytdi. Ro‘yxatga nimalar kirishi mumkinligi haqidagi savolga u barcha ukrainalik bolalarning qaytishi va Rossiya qurolli kuchlariga cheklovlar qo‘yilishini tilga oldi.
"Barqaror tinchlikka erishish uchun Rossiya tomonidan qanday imtiyozlar kerakligini muhokama qilishimiz muhim", deb xulosa qildi u.
Evropa rasmiylari, shuningdek, har qanday kelishuvning bir qismi bo‘lishi mumkin bo‘lgan Yevropadagi muzlatilgan Rossiya aktivlari kabi ta’sir kuchiga ega ekanliklarini aytishmoqda.
Starlinkning o‘chirilishi frontdagi vaziyatni o‘zgartirdi
Rossiya AQSh taklifini rad etdi
14 yoshli nabira 70 yoshli bobosidan homilador bo‘ldi
