Bu haqda Ozarbayjon Respublikasi Prezidentining rasmiy saytida ma’lum qilindi.
“Muhtaram Prezident janoblari, Ozarbayjon va Armaniston ikki davlat o‘rtasidagi munosabatlarni normallashtirishga xizmat qiladigan tinchlik shartnomasini tuzish yo‘lida erishayotgan yutuqlardan mamnunman. Sizni ishontirib aytmoqchimanki, Qo‘shma Shtatlar Ozarbayjon va Armaniston o‘rtasida ko‘p asrlik mojaroga nihoyat barham beradigan mustahkam va munosib tinchlikka erishishni qo‘llab-quvvatlashga tayyor. Tinchlik shartnomasi Ozarbayjon suvereniteti va hududiy yaxlitligini ta’minlashdan tashqari, butun mintaqani o‘zgartirib, Yevropa va Markaziy Osiyo o‘rtasidagi savdo, sarmoya va aloqalarni kengaytirish imkonini beradi. COR29da butun dunyo e’tibori Bokuga qaratilar ekan, sizda xalqaro hamjamiyat oldida tinchlikka sodiqligingizni namoyish etish uchun misli ko‘rilmagan imkoniyat bor. Sizga shartnoma imzolashni shu yil oxirigacha yakunlashni taklif qilaman”, – dedi AQSh prezidenti Jo Bayden ozarbayjonlik hamkasbi Aliyevga yo‘llagan maktubida.
Shu kuni Prezident Ilhom Aliyev AQSh prezidentining maxsus yordamchisi, Milliy xavfsizlik kengashining Yevropa masalalari bo‘yicha katta direktori Maykl Karpenterni qabul qildi.
Uchrashuvda davlat rahbari Ozarbayjon Armaniston bilan tinchlik kelishuvi tashabbuskori ekanligini va mintaqaviy tinchlik dasturini qo‘llab-quvvatlashini ta’kidladi. O‘z navbatida, AQSh prezidentining maxsus yordamchisi Vashington tinchlik shartnomasining erta imzolanishini qo‘llab-quvvatlashini ta’kidladi va hozirgi sharoitda buning uchun tarixiy imkoniyatlar mavjudligini ta’kidladi.
