Jizzax shahridagi xonadonda 4 kishining jasadi topilgan. Bosh prokuratura matbuot kotibining Kun.uz’ga xabar berishicha, ular is gazidan vafot etgan.
Ma’lum qilinishicha, 2023 yil 31 yanvar kuni Jizzax shahar Sayilgoh ko‘chasida joylashgan xonadonlarning biridan 4 nafar shaxsning murdasi topilgan. Ularning ikki nafari talaba bo‘lgan.
Sud-tibbiy ekspertizaning ma’lumotiga ko‘ra, marhumlarning o‘limiga is gazidan zaharlanish sabab bo‘lgani ko‘rsatilgan.
Mutaxassislarning birlamchi ma’lumotiga ko‘ra, hodisa sodir bo‘lgan xonadonga o‘rnatilgan isitish tizimi tabiiy gazdan foydalanish va yong‘in xavfsizligi qoidalariga zid ekani ko‘rsatilgan.
Qayd etilishicha, holat yuzasidan Jinoyat kodeksining 207-moddasi 3-qismi “a” bandi bilan jinoyat ishi qo‘zg‘atilgan. Hozirda tergov harakatlari olib borilmoqda.
O‘zbekiston tibbiyoti og‘ir judolikka uchradi
Energiya tarmoqlariga o‘zboshimchalik bilan ularnish o‘g‘rilik hisoblanadi
Shoygu: NATO qo‘shinlari Rossiya chegaralariga yaqinlashmoqda
