Mamlakat hukumati gumbaz qurilishi uchun 329 million dollar ajratishni rejalashtirmoqda, deb xabar beradi Yonhap.
Janubiy Koreya dushanba kuni Shimoliy Koreyadan kelayotgan artilleriya tahdidlariga qarshi mudofaani kuchaytirish uchun Isroilning “Temir gumbazi”ga o‘xshash o‘zining raketaga qarshi mudofaa tizimini rasman ishlab chiqa boshladi.
Hukumat 2028 yilgacha past balandlikdagi raketalarga qarshi mudofaa (Low-Altitude Missile Defense, LAMD) tizimini rivojlantirish uchun 479,8 milliard von (329 million dollar) ajratishni rejalashtirmoqda.
Janubiy Koreya Seuldagi havo mudofaasini kuchaytirishga intilmoqda, chunki Shimoliy Koreya mamlakatning 51 million aholisining yarmi istiqomat qiladigan poytaxt mintaqasida ko‘plab uzoq masofali artilleriya qurilmalariga ega.
Janubiy Koreyaning Mudofaani sotib olish dasturi ma’muriyatining (DAPA) aytishicha, tizim asosiy harbiy inshootlarni Shimoliy Koreya artilleriya tahdidlaridan himoya qilishga yordam beradi.
DAPA xabariga ko‘ra, loyihada davlatga qarashli Mudofaa taraqqiyoti agentligi va LIG Nex1 Co., Hanwha Aerospace Co. va Hanwha Systems Co. kabi mudofaa kompaniyalari ishtirok etadi.
