Janubiy Afrikadagi kondan 78 nafar noqonuniy konchining jasadi topildi

Janubiy Afrikaning shimoli-g‘arbidagi Stilfonteyn shahridagi eski shaxtada qutqaruv operasiyasining dastlabki uch kunida 78 nafar noqonuniy konchilarning jasadi topildi, deb yozadi Anadolu.

Janubiy Afrika polisiya xizmati (SAPS) ma’lum qilishicha, 13 yanvar kuni Stilfonteyn konida o‘tkazilgan qutqaruv operasiyasining uchinchi kunida barcha noqonuniy ravishda shaxtada bo‘lgan 216 nafar konchi qutqarib olindi.

“Operasiya davomida 78 nafar konchining jasadi qazib olindi, omon qolgan barcha konchilar hibsga olindi”, – deyiladi xabarda.

Operasiya “kannibalizm” aybidan keyin boshlangan. Janubiy Afrikaning "Konchilikdan zarar ko‘rgan jamoalarni birlashtirish" (MACUA) inson huquqlari tashkiloti 3 yanvar kuni Konstitusiyaviy sudga Stilfonteyn konida qamalib qolgan konchilar "ochlikdan halok bo‘lgan kishilarining jasadlarini yeyayotgani" haqida shikoyat bilan murojaat qilgan.

13 yanvar kuni Janubiy Afrika hukumati Konstitusiyaviy sud qaroridan keyin qutqaruv operasiyasini boshladi.

2024 yil noyabr oyida polisiya tashlab ketilgan Stilfonteyn koniga suv va oziq-ovqat yetkazib berishni to‘xtatganidan so‘ng, taslim bo‘lishdan bosh tortgan yuzlab konchilar ochlik va suvsizlikdan aziyat chekdi.

Rasmiy ma’lumotlarga ko‘ra, 15 yanvar holatiga ko‘ra, Stilfonteyn konini 1806 nafar noqonuniy konchi tark etgan. Polisiya ularning aksariyati Mozambik fuqarolari ekanligini aytdi.

Mahalliy hokimiyat vakillari konchilar o‘zlari chiqib ketishga muvaffaq bo‘lgani, shaxtada qolganlar esa huquq-tartibot idoralarining hibsga olinmaslik uchun qo‘llagan taktikasi ekanini ma’lum qildi.

Janubiy Afrikada «zama-zama» nomi bilan tanilgan kon olmos, oltin va platina kabi qimmatbaho minerallarga boy. Ma’lumotlarga ko‘ra, mamlakatda 10-30 ming kishi to‘g‘ridan-to‘g‘ri noqonuniy qazib olish bilan shug‘ullanadi. Noqonuniy oltin qazib olishning o‘zi mamlakat iqtisodiyotiga yiliga o‘rtacha 3,8 milliard dollar zarar keltiradi.