Janubiy Afrika Respublikasi prezidenti Siril Ramafosa Amerika yetakchisi Jo Bayden bilan uchrashuv chog‘ida Qo‘shma Shtatlarning Afrika davlatlarini Rossiya bilan aloqalari uchun jazolashga urinishini adolatsizlik deb atadi, shuningdek, bunday takliflarni o‘z ichiga olgan qonun loyihasiga rozi emasligini bildirdi.
Gap AQSh Kongressi orqali o‘tayotgan "Rossiyaning zararli harakatlariga qarshi kurashish to‘g‘risida"gi qonun loyihasi haqida bormoqda.
Janubiy Afrika rahbarining fikricha, bunday hujjat “nomaqbul”.
Ramafosaning ta’kidlashicha, bunday qonunning qabul qilinishi mumkinligi Afrika rasmiylarida xavotir uyg‘otmoqda.
"Agar qonun loyihasi qabul qilinsa, u Afrikani chetga suradi, chunki u Afrikada Rossiyadek sherigiga ega bo‘lgani uchun jazolanayotgandek taassurot qoldiradi", - deya Ramafosa so‘zlarini keltiradi RIA Novosti.
Amerikalik taniqli bokschi Bahodir Jalolov haqida fikr birdirdi
Rossiya yana bir harbiy mojaroda ishtirok etishi mumkin
ECHL. Yarim final. "Bavariya" "Real" bilan jangovar durang qayd etdi
