Jahon siyosatchilari Trampni g‘alaba bilan tabriklay boshladi

Isroil bosh vaziri Binyamin Netanhu respublikachini “tarixiy qaytish” bilan tabrikladi.

Fransiya prezidenti Emmanuel Makron Trampni tabriklab, avvalgidek birgalikda ishlashga tayyorligini bildirdi.

Ukraina prezidenti Vladimir Zelenskiy Trampning g‘alabasini hayratlanarli deb atadi.

"AQSh siyosiy tarixidagi eng buyuk qaytish! – deb yozdi Vengriya bosh vaziri Viktor Orban. – Trampni ulkan g‘alabasi bilan tabriklaymiz. Tinchlik uchun juda zarur g‘alaba!"

"Donald Trampni saylovdagi g‘alabasi bilan tabriklayman. AQSh Avstriyaning muhim strategik sherigi hisoblanadi. Biz global tahdidlarga birgalikda qarshi turish uchun transatlantik aloqalarimiz kengayishi va mustahkamlanishini kutmoqdamiz," – deb yozdi Avstriya kansleri Karl Nexammer.

Bu haqda Rossiya sobiq prezidenti Dmitriy Medvedev ham ma’lum qildi. "Trampning biz uchun foydali bir fazilati bor: biznesmen sifatida u har xil g‘iybatchilar va nodon ittifoqchilar, yaroqsiz xayriya loyihalari va ochko‘z xalqaro tashkilotlarga pul sarflashni o‘lguday yomon ko‘radi," – deb yozdi Medvedev o‘zining Telegram-kanalida.