Turkiyaning Izmir shahrida ko‘p qavatli uyning to‘rtinchi qavatidan tushib ketgan 22 yoshli o‘zbekistonlik Sevdora Hakimjonova shifoxonada hayotdan ko‘z yumdi. Bu haqda O‘zbekistonning Istanbul shahridagi Bosh konsulxonasi xabar berdi.
Hodisa yuzasidan hozirda Bosh konsulxona hamda O‘zbekiston Migrasiya agentligi marhumaning jasadini vatanga qaytarish bo‘yicha zarur tashkiliy ishlar olib bormoqda. Jasad 2026 yilning 23 mart kuni “Istanbul-Andijon” reysi orqali O‘zbekistonga yuborildi.
Ma’lumotlarga ko‘ra, Hakimjonova Turkiya fuqarosi bilan imom nikohi asosida turmush qurgan, lekin bu nikoh rasmiy tartibda qayd etilmagan. Turmush o‘rtog‘i ham uning kabi eshitish va nutqida nuqsoni bo‘lgan shaxs hisoblanadi. Keyinchalik ular Izmirda kuyovning yaqin qarindoshlari bilan bir xonadonda yashab kelgan.
Hozirda Turkiya huquqni muhofaza qiluvchi organlari tomonidan hodisa yuzasidan jinoiy ish qo‘zg‘atilgan va tergov harakatlari olib borilmoqda. To‘plangan materiallar tegishli tartibda prokuratura organlari tomonidan ko‘rib chiqilmoqda.
Eronda 19 yoshli sportchi dorga osib qatl etildi
Eron AQShning F-35ga qanday raketa bilan zarba berganini ko‘rsatdi
Eron Trampning Hormuz bo‘g‘ozini ochish haqidagi ultimatumiga javob berdi
