Agar AQSh Eron elektr stansiyalariga zarba bersa, Eron Ormuz bo‘g‘ozini butunlay yopib qo‘yadi. Bu haqda «Xatam al-Anbiya» harbiy qo‘mondonligi markaziy shtabi vakili Ebrahim Zolfag‘ari ma’lum qildi.
Uning so‘zlariga ko‘ra, agar AQSh tahdidlari amalga oshirilsa, bo‘g‘oz «zarbaga uchragan Eron elektr stansiyalari qayta tiklangunga qadar» yopiq qoladi, deb yozadi Fars agentligi.
Shuningdek, Zolfag‘ari hujumlar sodir bo‘lgan taqdirda, Tehron Isroilning energetika infratuzilmasi hamda axborot-kommunikasiya texnologiyalari ob’ektlarini zarbalar uchun nishon sifatida ko‘rishini ta’kidladi.
Bundan tashqari, uning aytishicha, Yaqin Sharqdagi AQSh manfaatlari mavjud bo‘lgan kompaniyalar, shuningdek, hududida Amerika harbiy bazalari joylashgan mintaqa mamlakatlarining elektr stansiyalari ham zarba ostida qolishi mumkin.
Eronda 19 yoshli sportchi dorga osib qatl etildi
Gruziyada motam kuni e’lon qilindi
Eron AQShning F-35ga qanday raketa bilan zarba berganini ko‘rsatdi
