29 noyabr kuni minglab ishchilar Italiya bo‘ylab ish haqi va xizmatlar sifatini oshirishni talab qilib, umumiy ish tashlashda qatnashdi, ular bosh vazir Jorja Meloni hukumatining byudjet rejalariga ham qarshi, deb yozmoqda AP.
Juma kuni davlat xizmati, ta’lim xodimlari, ishchilar va jamoat transporti xodimlari Italiyada ikkita yirik kasaba uyushmasi birlashmasi — Butunjahon Italiya mehnat konfederasiyasi (CGIL) va Italiya mehnat ittifoqi (UIL) chaqirig‘iga binoan umumiy ish tashlash o‘tkazdi.
Kasaba uyushmalari hukumatning kelgusi yil uchun byudjetni o‘zgartirish bo‘yicha rejalarini mamlakat muammolarini hal qilish uchun mutlaqo yetarli emas deb hisoblaydi. Ular, shuningdek, ish haqi va pensiyalarni oshirish, sog‘liqni saqlash, ta’lim, kommunal xizmatlar hamda sanoat siyosatini moliyalashtirishni talab qilmoqda.
