Isroilda Eron agentlari bilan aloqada bo‘lganlikda gumon qilingan erkak qo‘lga olindi

Shin Bet va Isroil polisiyasi xodimlari Eron agentlari bilan aloqada bo‘lganlikda gumon qilingan jurnalistni hibsga olishdi.

Bu haqda Ynet xabar bermoqda.

Xabarga ko‘ra, gumondor yanvar oyi oxirida, polisiya kiberbo‘limiga bir nechta noma’lum shaxslar haqida xabar berganidan bir necha kun o‘tgach hibsga olingan.

Nashrning ta’kidlashicha, jurnalist bilan ijtimoiy tarmoqlar orqali bog‘lanib, undan pul mukofoti evaziga ultra-pravoslav yahudiylarning norozilik namoyishlari va Quddus markaziy ko‘chalarini suratga olish so‘ralgan. Dastlab u hech narsadan shubhalanmaganini da’vo qilgan, chunki u o‘z ishida shunga o‘xshash so‘rovlarni olgan. Keyinchalik u shaxsan kiberbo‘lim bilan bog‘lanib, so‘rovlarni xabar qilgan.

Huquqni muhofaza qilish organlari xodimlari uning hibsda saqlash muddatini uzaytirishga harakat qilishgan, ammo ularning so‘rovi apellyasiya sudi tomonidan rad etilgan. Nashrning ta’kidlashicha, u hozirda uy qamog‘ida.